2020-nji “Türkmenistan-Bitaraplygyň mekany” ýylynyň 17-nji iýunynda Türkmenistanyň Jemgyýetçilik guramalarynyň merkezinde Türkmenistanyň Zenanlar birleşiginiň Merkezi Geňeşiniň hem-de Türkmenistanyň Kärdeşler arkalaşyklarynyň Milli merkeziniň bilelikde gurnamaklarynda Berkarar döwletiň bagtyýarlyk döwründe bol-elin eşretli durmuşda ýaşaýan bagtly maşgalalaryň arasynda “Bitarap döwletiň bagtyýar maşgalalary” atly bäsleşigiň jemleýji tapgyry  geçirildi.

Etrek etrap bilim bölüminde Türkmenistanyň Kärdeşler arkalaşyklarynyň etrap birleşmesiniň, Türkmenistanyň Zenanlar birleşiginiň etrap geňeşiniň, Ylym, bilim işgärleriniň kärdeşler arkalaşygynyň etrap geňeşiniň bilelikde guramaklarynda wagyz-nesihat maslahaty geçirildi.

Türkmenistanyň Zenanlar birleşiginiň Esenguly etrap geňeşi, etrap medeniýet bölüminiň kärdeşler arkalaşyklarynyň ilkinji guramasy bilen bilelikde «Zenan bagtyýarlygy—Watan abadanlygy» atly wagyz-nesihat çäresini geçirdik. Oňa medeniýet ulgamynda zähmet çekýän zenanlar, mährem eneler, ýaşlar gatnaşdylar. Wagyz-nesihat çäresinde çykyş edenler durmuşda zenanyň tutýan orny barada giňişleýin gürrüň etdiler. Ene mukaddesligini, zenan sarpasyny belende göterýän Gahryman Arkadagymyza tüýs ýürekden alkyş aýtdylar.

Änew şä­he­rin­de ýer­leş­ýän Türkme­nis­ta­nyň Mil­li “Ak bug­daý” muze­ýin­de “Ar­ka­dag­ly he­mi­şe­lik Bi­tarap ýur­duň buý­sanç­ly ze­nan­la­ry” ady bi­len mas­la­hat ge­çi­ril­di. Ahal we­la­ýat hä­kim­li­gi­niň, Türk­me­nista­nyň Kär­deş­ler ar­ka­la­şyk­la­ry­nyň we­la­ýat bir­leş­me­si­niň, Türk­me­nista­nyň Ze­nan­lar bir­le­şi­gi­niň Ahal we­la­ýat bö­lü­mi­niň bi­le­lik­de gu­rama­gyn­da ge­çi­ri­len mas­la­ha­ta zenan­lar gu­ra­ma­sy­nyň işeň­ňir ag­zala­ry, eda­ra-kär­ha­na­lar­da zäh­met çek­ýän ze­nan­lar, mäh­rem ene­ler hem-de ta­lyp gyz­lar gat­naş­dy.

Welaýat kitaphanasynda Türkmenistanyň Zenanlar birleşiginiň welaýat bölüminiň we Türkmenistanyň Kärdeşler arkalaşyklarynyň welaýat birleşmesiniň bilelikde guramaklarynda wagyz-ündew maslahaty geçirildi. «Saglyk—başymyzyň göwher täji» diýen at bilen geçirilen wagyz-ündew maslahatyna medeniýet, bilim, saglygy goraýyş, nebitgaz ulgamlarynda, jemgyýetçilik guramalarynda zähmet çekýän zenanlar gatnaşdylar. Berkarar döwletimiziň bagtyýarlyk döwründe ýurdumyzyň iň gymmatly baýlygy ynsan saglygydyr. Adamyň beden we ruhy saglygy barada döwlet derejesinde bimöçber alada edil - ýär.

 Etrabyň çeper halyçylyk kärhanasynda bolan duşuşyga ol ýerde zähmet çekýän ýaş gelin-gyzlaryň uly topary gatnaşdy. Türkmenistanyň Zenanlar birleşiginiň etrap bölüminiň, TMÝG-niň etrap Geňeşiniň bilelikde guramagynda geçirilen duşuşykda milli ýol-ýörelgelerimiz, maşgala gymmatlyklary barada gürrüň edildi, nepis halyçylyk sungatyny geljekki nesillere ýetirmekde çeper elli halyçylaryň alyp barýan işleriniň ähmiýeti hakynda aýratyn durlup geçildi. Duşuşykda türkmen gelin-gyzlaryny bezeýän ýagşy gylyk-häsiýetler, edep-ekramlylyk hakynda aýdylanlar uly täsirleri döretdi.