Şu günler Türkmenistanyň Zenanlar birleşiginiň Merkezi Geňeşi tarapyndan ýurdumyzyň zenanlarynyň arasynda yglan edilen «Ýylyň zenany» atly bäsleşigiň şäherdir etrap tapgyrlary welaýatymyzda guramaçylykly geçirilýär. Oňa halk hojalygynyň dürli pudaklarynda zähmet çekýän öňdebaryjy zenanlar gatnaşyp, jemgyýetçilik durmuşynyň dürli ugurlarynda alyp barýan işleri boýunça ukyp-başarnygyny görkezýärler.

Türkmenistanyň Prezidenti Gurbanguly BERDIMUHAMEDOW:

— Enelere mahsus ähli zatda tükeniksiz mähir Eneler öz mähri bilen öý-ojagyň abadanlygyny, il-ulsuň abatlygyny üpjün edýärler. Enelere hormat goýmak, ýagşylyga dowamat bermek, mukaddeslige tagzym etmekdir.

Hormatly Prezidentimiziň jöwher paýhasyndan joşup çykan «Enä tagzym — mukaddeslige tagzym» atly kitabynyň giňden öwrenilmegi nesilleri watansöýüjilik ruhunda, belent ruhy-ahlak gymmatlyklar esasynda terbiýelemekde, köp asyrlyk däpleri aýawly  saklamakda hem-de baýlaşdyrmakda çäksiz ähmiýete eýedir.

BABADAÝHAN. Etrabyň Medeniýet öýünde «Türkmeniň mährem käbesi ahlak, maşgala gymmatlygydyr» atly bäsleşiginiň etrap tapgyry geçirilip, ol guramaçylyk häsiýetine eýe boldy. Oňa etrabyň ähli ýerinden eşretli döwrümiziň hözirini görüp, bagtyýarlykda ýaşaýan zenanlar gatnaşdylar hem-de degişli şertler boýunça çykyş etdiler.

«Türkmeniň mährem käbesi ahlak, maşgala gymmatlygydyr» atly bäsleşigiň Tejen etrap tapgyry geçirildi. Etrap häkimliginiň mejlisler zalynda bolan bäsleşikde oňa gatnaşyjylar hormatly Prezidentimiziň jöwher zehini bi­len ýazylan «Enä tagzym — mu­kaddeslige tagzym» atly kitabyn­dan bir parçany labyzly okamak, kitapda beýan edilen rowaýatlardan, wakalardan bir pursady ussatlyk bilen sahnalaşdyrmak hem-de kitabyň özlerinde gal­dyran täsirleri barada hüwdiniň, läläniň, gazalyň, aýdymyň we goşgynyň üsti bilen wasp etmek boýunça ukyp-başarnygyny görkezdiler.

TEJEN. Şäherdäki Medeniýet öýünde geçirilen bäsleşige gatnaşmaga höwes edenleriň sany köp boldy. Edara kärhanalarda, guramalarda zähmet çekýän öňdebaryjy zenanlar, ilki bilen, medeni ojagyň eýwanynda guralan köp öwüşginli sergi bilen tanyşdylar. Ýakymly duýgulara baý bolan bu sergi bilen tanyşlykdan soňra, bäsleşige badalga berildi.