Hormatly Prezidentimiziň başlangyjy bilen 2018-nji ýylyň «Türkmenistan — Beýik Ýüpek ýolunyň ýüregi» diýlip atlandyrylmagy il-ulsumyzyň başyny göge ýetirdi. Ýurdumyzyň ähli ulgamlarynda zähmet çekýän ildeşlerimiz bu ýyly uly zähmet üstünliklerine beslemegi maksat edinýärler.

Halkymyzda  zenan maşgala uly sarpa goýulýar. Zenanlar öý-                   ojagyň örki-özeni hasaplanylýar. Çünki türkmen maşgalasynda perzent terbiýesi, olara görelde görkezmek, öý-ojagyň esasy hysyrdylary, aladalary zenanlaryň gerdenine düşýär. Haýsy maşgalada agzybirlik bar bolsa, şol maşgalanyň ähli agzalarynyň hemişe ruhy belent, işi rowaç bolup, kalby diňe ýagşylyga ymtylar.

Berkarar döwletimiziň bagtyýarlyk döwründe döwletimiziň we jemgyýetimiziň iň gymmatly hazynasy bolan ynsan saglygyny gorap saklamak esasy wezipeleriň biridir. Hormatly Prezidentimiziň baştutanlygynda jemgyýetimize sagdyn ýaşaýyş-durmuş şertlerini ornaşdyrmak, ýaş nesilleriň sport bilen meşgullanmagyny gazanmak üstünlikli durmuşa geçirilýär.

Düýn Türkmenistanyň Jemgyýetçilik guramalarynyň merkezinde Türkmenistanyň Kärdeşler arkalaşyklarynyň Milli Merkeziniň we TürkmenstanyňZenanlar birleşiginiň Merkezi Geňeşiniň bilelikde guramagynda ýetip gelýän Türkmenistanyň Garaşsyzlyk baýramynyň şanly 26  ýyllygy mynasybetli “Garaşsyzlyk gadamlary” diýen at bilen maslahat geçirildi.

Maslahata Türkmenistanyň Kärdeşler arkalaşyklarynyň Milli Merkeziniň işgärleri, arkalaşygyň pudaklar boýunça guramalarynyň wekilleri, Türkmenistanyň Zenanlar birleşiginiň Merkezi Geňeşiniň agzalary we talyp ýaşlar gatnaşdylar.

Döwrüň sesine ses goşup, işde, okuwda, döredijilikde, çaga terbiýesinde görelde bolýan zenanlarymyz bu gün eziz Diýarymyzyň bedew batly ösüş-özgerişlerine mynasyp goşant goşmakda öwgä mynasyp işleri alyp barýarlar. Mirasa sarpa goýmak, Watany özgertmek ýylynyň ähli babatlarda üstünlikli jemlenmeginde zenanlarymyzyň aýratyn ornunyň bolandygyny aýdyp geçmek ýakymly. 2017-nji ýyl bolsa, halkymyzyň durmuşynda ýatdan çykmajak taryhy ýyllaryň biri bolar.