2022-nji,
"Halkyň Arkadagly Zamanasy"

«ÝURDUMYZDA YNSAN SAGLYGY BARADAKY YNSANPERWER ÝÖRELGELER-BERKARARLYGYŇ WE DÖWLETLILIGIŇ BELENT NUSGASYDYR» ATLY MASLAHATY GEÇIRILDI

2022-nji ýylyň 20-nji maýynda Türkmenistanyň  Jemgyýetçilik guramalarynyň merkezi binasynda Türkmenistanyň Kärdeşler arkalaşyklarynyň  Milli merkezi bilen Türkmenistanyň Zenanlar birleşiginiň Merkezi Geňeşiniň bilelikde gurnamaklarynda «Ýurdumyzda ynsan saglygy baradaky ynsanperwer ýörelgeler-berkararlygyň we döwletliligiň belent nusgasydyr» atly maslahaty geçirildi.

Şu maslahaty Türkmenistanyň Telewideniýe, radiogepleşikler we kinematografiýa baradaky döwlet komitetiniň “Altyn Asyr Türkmenistan” teleýaýlymynyň “Paýhas synagy” bölüminiň müdiri A.Klyçewa alyp bardy.

Geçirilen bu maslahata Türkmenistanyň Saglygy goraýyş  we derman senagaty ministrliginiň Halkara “Ene mähri” merkeziniň lukmany M.Welbaýewa, Türkmenistanyň Saglygy goraýyş  we derman senagaty ministrliginiň  Enäniň we çaganyň saglygyny goraýyş ylmy-kliniki merkeziniň lukmany A.Emirowa,Myrat Garryýew adyndaky Türkmenistanyň Döwlet lukmançylyk uniwersitetiniň Gospital pediatriýa kafedrasynyň mugallymy A.Sopyýewa, Türkmenistanyň Ylymlar akademiýasynyň Magtymguly adyndaky Dil,edebiýat we milli golýazmalar institutynyň aspiranty L.Ömürowa, Türkmenistanyň Kärdeşler arkalaşyklarynyň Saglygy goraýyş  işgärleriniň kärdeşler arkalaşygy boýunça utgaşdyryjysy, Geňeşiň başlygy P.Kakajaýew, Türkmenistanyň Telewideniýe, radiogepleşikler we kinematografiýa baradaky döwlet komitetiniň kärdeşler arkalaşygynyň ilkinji guramasynyň başlygy B.Jumaýewa dagylar gatnaşyp çykyş etdiler.. Bu çärä gatnaşanlar söhbetdeşligiň dowamynda Ber­ka­rar döw­le­ti­ň täze eýýamynyň Galkynyşy döw­rün­de  hem-de  «Halkyň Arkadagly zamanasy» diýlip yglan edilen 2022-nji ýylda Türkmenistanyň Konstitusiýasyna we “Raýatlaryň saglygynyň goralmagy hakynda” Türkmenistanyň Kanunyna, şeýle hem  Türkmenistanyň Prezidentiniň “Saglyk” Döwlet maksatnamasyna laýyklykda, her bir adamyň we her bir raýatyň saglygyny gorap saklamaga, şol sanda döwlet saglygy goraýyş edaralarynyň hyzmatlaryndan mugt peýdalanmaga konstitusion hukuklarynyň bardygy, şeýle hem raýatlaryň saglygynyň goralmagy çygryndaky döwlet syýasatynyň esasy ýörelgeleri, raýatlaryň saglygynyň goralmagy çygrynda döwletimizde amala aşyrylýan anyk işler, raýatlaryň saglygyny goramaga bolan hukugynyň üpjün edilmeginiň kepillikleri, ýurdumyzyň  jemgyýetçilik birleşikleri hem raýatlaryň saglygynyň goralmagyny üpjün etmek boýunça işe öz tertipnamalary we Türkmenistanyň kanunçylygy esasynda gatnaşýandyklary barada çykyş etdiler.

 

Ýörite habarçymyz.

© TÜRKMENISTANYŇ ZENANLAR BIRLEŞIGINIŇ MERKEZI GEŇEŞI zenan.gov.tm 2012-2022      Email: tzb@online.tm