Her gün­ki ag­şam­lyk­dan soň, «Türk­men­met­bu­ga­ta» gi­rip, er­tir­ki çyk­jak ga­zet­le­riň elekt­ron gör­nüş­le­ri bi­len tan­şyp çyk­mak maş­ga­la­myz­da en­di­ge öw­rü­lip gi­dip­dir. 25-nji maý gü­nü­niň ag­şam­ly­gy, ada­ty en­di­gi­mi­ze eýe­rip, hem dur­muş, hem iş­deş ýol­da­şym Ma­ral bi­len er­tir çap­dan çyk­jak «Türk­men Gün­do­ga­ry­nyň» elekt­ron gör­nü­şi­ne göz gez­di­rip otyr­dyk. Ine-de, bir­den kär­deş­le­ri­mi­ziň bi­ri­niň paý­tag­ty­myz­da ge­çi­ri­len «Türk­men teatr sun­ga­ty» at­ly fes­ti­wa­ly ba­ra­da ýa­zan ma­ka­la­sy­na gö­züm düş­di. On­da Le­ba­byň Se­ýit­na­zar Seý­di adyn­da­ky döw­let saz­ly dra­ma te­at­ry­nyň sah­na us­sa­dy, Türk­me­nis­ta­nyň halk ar­tis­ti Ak­ja­gül Su­ha­no­wa­nyň fes­ti­wa­lyň «Iň go­wy ki­çi keşp üçin» at­ly baý­ra­gy­na my­na­syp bo­lan­dy­gy buş­la­nyl­ýar­dy. Ma­ka­la­nyň şol bö­le­gi­ni okap gu­tar­man­kak, iki ýer­den: «Şü-ýä, tüýs bo­la­ýyp­dyr» di­ýe­ni­mi­zi duý­man gal­dyk. Şol ma­hal te­at­ryň fes­ti­wa­la hö­dür­län «Mert­ler Wa­ta­ny beý­geld­ýär» at­ly sah­na ese­ri­niň jem­gy­ýet­çi­lik gör­ke­zi­li­şi­ne gat­na­şy­şym we us­sa­dyň dö­re­den ki­çi­jik keş­bi­niň to­ma­şa­çy­lar­da gal­dy­ran uly tä­si­ri ýe­ne bir ge­zek se­ri­me dol­dy...

...Ga­ra­şyl­ýan myh­man­la­ryň äh­li­si ge­len­soň, eser gör­ke­zi­lip baş­lan­dy. Des­si­ne-de dün­ýä­mi­zi özü­ne bag­la­dy. Gor­kut ata­nyň za­ma­na­sy­na de­giş­li wa­ka­lar­dan söz aç­ýan ese­riň mun­dan ozal­ky şa­ýat bo­lan sah­na­la­ry­myz­da emel­siz­li­gi bi­len to­ma­şa­çy­la­ry gül­dü­ren ene­mog­ly Sö­wüm­siz (ar­tist Taý­ly Al­la­ber­di­ýew) uruş­dan ga­çyp, gö­ni ene­si­niň ýa­ny­na ge­läý­mez­mi?! Ene­si kim­dir öýd­ýär­si­ňiz?! Me­niň hä­li­den bä­ri sah­na­dan göz­län us­sa­dym — Ak­ja­gül Su­ha­no­wa! Ol — ýe­ne ene! Ak­ja­gül gel­ne­jä­niň ozal­ky jan­lan­dy­ran ene­le­rem tüýs ýe­ri­ne dü­şüp­di we­lin, göw­nü­ňe bol­ma­sa, bu ge­zek­ki ene keşbi has baş­ga­ça ýa­ly bo­lup dur. Og­ly Sö­wüm­si­ziň züw­wet­din­li­gi­ne ja­ny ýa­nan enä­niň onuň gy­ly­jy­ny alyp, je­ňe haý­da­ber­me­si­ni tol­gun­man syn­la­mak müm­kin däl. Us­sa­dyň aýd­ýan söz­le­ri bol­sa on­ki süň­ňüň­den ge­çip, beý­niň iň çuň­luk­la­ry­na çen­li ba­ryp ýet­ýär. He­mi­şe­ki pert­lik! He­mi­şe­ki mert­lik! He­mi­şe­ki us­sat­lyk!

Ene sö­zi tä­sir eden Sö­wüm­siz ese­riň ahy­ryn­da baş gah­ry­ma­ny dog­ry gel­ýän ajal­dan gu­ta­ryp, gah­ry­man­lar­ça we­pat bol­ýar. Bu sah­na­lar­da Ak­ja­gül gel­ne­je gör­ne­nok. Ýö­ne şol ma­hal hem ol to­ma­şa­çy­nyň hyýalynda jan­lan­ýar.

Ak­ja­gül Su­ha­no­wa­nyň eser­dä­ki keş­bi, ha­ky­kat­dan-da, ki­çi. Ol bir sa­gat­dan gow­rak do­wam ed­ýän ese­riň ba­ry-ýo­gy bir­nä­çe mi­nu­dyn­da sah­na­da gö­rün­ýär. Ýö­ne us­sat sah­na çy­kyp, aýt­ma­ly­la­ry­ny aý­dyp, et­me­li he­re­ket­le­ri­ni edip, in­di­ki sah­na­la­ra ge­zek be­ren­so­ňam, aky­lyň şon­da — ýaň­ky şa­ýat bo­lan dart­gyn­ly ýag­da­ýyň­da gal­ýar. El­bet­de, bu ýer­de ese­riň aw­tor­la­ry­nyň hem us­sat­ly­gy­ny nyg­ta­mak ge­rek. Ru­hy ese­riň tu­tuş süň­ňü­ne si­ňen enä­niň keş­bi­ni Ak­ja­gül gel­ne­je us­sat­lar­ça janlandyryp bi­lip­dir.

Gah­ry­man Ar­ka­da­gy­my­zyň dür­dä­ne eser­le­ri­ne we «Gor­kut ata» şa­des­sa­ny­na esas­lan­ýan sah­na ese­rin­de dart­gyn­ly, ýat­da gal­jak pur­sat­lar ju­da kän. Şol ma­hal Türk­me­nis­ta­nyň halk ar­tis­ti Ak­ja­gül Su­ha­no­wa­nyň ýe­ri­ne ýe­ti­ren keş­bi bi­len bag­ly şeý­le pi­kir se­ri­ňe gel­ýär: çyn us­sat­lar üçin ki­çi keşp ýok!

Aga­gel­di ITAL­MA­ZOW.

«Türk­me­nis­tan».